কিদৰে পাহৰোঁ তোমাক

তুমি কোৱা..........কোৱানা প্ৰিয়া

সঁচাকে বাৰু নুবুজিলানে মোৰ হিয়াৰ বতৰা

নে বুজিও ধৰিলা নুবুজাৰ ভাও

জানানে তোমাক মই কিমান ভালপাওঁ|

তোমাক লৈ ৰচিছিলো মই কত কবিতা

তোমাক লৈ দেখিছিলো কতনা সপোন

ভাবিছিলোঁ আহিবা তুমি মোৰ কাষলৈ

আৰু ক’বা, "তুমি মোৰ অতিকৈ আপোন"|

তোমাৰ এটি মাথোঁ বাক্যই কৰিলে

মোৰ সকলো সপোণ থানবান

আৰু মোৰ হ্ৰদয় চূড়মাৰ

কাৰণ মই ভাবিছিলোঁ তুমি মোৰ আৰু মই তোমাৰ|

কেনেকৈ বাৰু সহ্য কৰো মই

তোমাৰ হ্ৰদয়ত আন কাৰোবাৰ উপস্থিতি

প্ৰাণ ভৰি ভাল পাইছিলোঁ মই তোমাক

এতিয়া কোৱা..........কোৱানা কিদৰে পাহৰোঁ তোমাক|